பாரம்பரியக் கட்டுமான முறைகளை இக்காலத்துக்குத் தகுந்தவாறு பயன்படுத்தப் பல எளிய ஆய்வுகளும் மற்றும் புத்தாக்கச் செயற்பாடுகளும் தேவைப்படுகின்றன. பழைய முறைகளில் பலவனவும் இப்பொழுது நடைமுறையில் இல்லை‌. ஆனால் மூத்த கட்டிடக்கலைஞர்களுக்கு அந்த முறைகளைப் பற்றித் தெரியும். தணல் அத்தகைய கலைஞர்களிடம் நேர்காணல் செய்து அந்தச் செய்முறைகளை அவர்களது வீட்டிலோ அல்லது எங்களது வளாகத்திலோ செய்து பார்த்து அதைக் காணொளி மற்றும் எழுத்து வடிவில் ஆவணப்படுத்தி வருகிறோம். இந்த ஆவணங்கள் ஒரு பாதுகாப்புப் பெட்டகமாக இருக்கும். அதன்மூலம் வரும் தலைமுறையினர் கற்றுக்கொள்ளலாம்.

அன்றாடம் பயன்படுத்தும் இடங்களுக்கு முழுவிகிதத்தில் கட்டுமானங்களை எழுப்பிக் கலைஞர்களுடன் இணைந்து வேலை செய்து மீட்டுவாக்கம்(Revive) செய்கிறோம்‌. அதை எளிமையாகச் சோதிக்கும் முறைகளையும் கண்டறிகிறோம். அதேசமயம் மேலும் துல்லிய ஆய்வுகளுக்கு நவீன ஆராய்ச்சியும் தேவைப்படுகிறது. இதன் நோக்கம், ஒரு பொருளின் வலு, நீர்த்தடுப்புதிறன், நீடிப்பு திறன் மற்றும் பல பண்புகளைக்கண்டறிந்து பகுப்பாய்வு செய்து தவறுகளைச் சரிசெய்து திரும்பவும் செய்து மேலும் இந்தப் பாரம்பரிய முறைகளை மேம்படுத்தச் செய்வதாகும்.

தணலில் 10வருடங்களுக்கும் மேலாக இயற்கைக் கட்டுமான முறைகளை ஆய்வு செய்து பயிற்சிப்பட்டறை மற்றும் வெளியீடுகள் வழியாகப் பகிர்ந்து வருகிறோம். பல தாவர மற்றும் விலங்கு இடுபொருட்கள் கட்டுமானத்தில் பாரம்பரியக் கட்டிடங்களில் பயன்படுத்தப்பட்டுள்ளன. குறிப்பிட்டுச் சொல்லக்கூடிய முனைவர். திருமாலினி போன்ற ஒரு சிலரே பாரம்பரிய கட்டுமானத்தில் காரைச் சாந்து பற்றிப் பல ஆய்வு செய்து கட்டுரைகள் வெளியிட்டுள்ளார்‌. அறிவியல் ஆராய்ச்சிகள்மூலம் இயற்கைக் கட்டுமானப் பொருட்களின் வலிமையையும் இடுபொருட்களின் மறைபொருளையும் மக்களுக்குத் தெரியப்படுத்த விரும்புவர்களுக்கு தணல் உறுதுணையாக இருக்கிறது.

இதுவரை தணல் மேற்கொண்ட ஆராய்ச்சி மற்றும் புத்தாக்கச் செயற்பாடுகள்.