பயிற்சி பட்டறை

தணலில் நடத்தப்படும் பயிற்சி வகுப்பு, எந்த ஒரு மனிதரும் கட்டுமான மூலப்பொருட்களைத் தொட்டு உணர்ந்து இயற்கை கட்டுமானத்தின் முக்கியத்துவத்தைப் புரியவும், மரபு தொழில்நுட்பங்களில் செய்முறைப் பயிற்சி பெறவும், சோதனை முறைகள் மற்றும் கட்டிமுடிக்கப்பட்ட வீடுகளை உற்று நோக்கவும், நாடெங்கும் சிறந்து விளங்கும் இயற்கை கட்டிடக்கலைஞர்களைப் பற்றித் தெரிந்து கொள்ளவும் உதவும் ஒரு தளமாகச் செயல்படுகிறது. இதை விட மேலாக ஒத்த சிந்தனைகள் கொண்டவர்களுடன் தொடர்பை ஏற்படுத்தும். அவர்கள் கடந்து வந்த பாதையின் மூலம் பெற்ற அனுபவங்கள் மற்றும் ஏன் இயற்கைக் கட்டுமானத்தைத் தேர்ந்தெடுத்தார்கள் என்பதற்கான காரணத்தைத் தெரிந்து கொள்ளலாம்.

வயதுவரம்பு மற்றும் துறை சார்ந்து இல்லாமல் யார் வேண்டுமாயினும் பயிற்சியில் கலந்து கொள்ளலாம். ஆர்வம் கொண்டவர் யாராயினும் பயிற்சியில் பங்கேற்று எளிய முறைகளைக் கற்றுக் கொள்ள முடியும். தங்களது குடும்பத்தாரும் குழந்தைகளும் பயிற்சியின் அங்கமாகப் பங்கேற்றால், அது அனைவரையும் ஒருங்கிணைந்து, சுற்றுச்சூழலைச் சிதைக்காமல் எப்படி ஒரு வீடு கட்டுவது என்பதற்கான வழியைக் காண்பிக்கும்.

வெவ்வேறு குழுக்களின் தேவைக்கேற்ப மற்றும் குறிப்பிட்ட பாடங்களின் அடிப்படையை நன்கு புரிந்து கொள்ள, வெவ்வேறு கால இடைவெளியில் நன்கு வரையறுக்கப்பட்ட நோக்கம் மற்றும் பாடத்திட்டத்துடன் பயிற்சி வகுப்புகள் நடத்தப்படும்.